XIXÓN VIVE N'ASTURIANU
La Selmana de les Lletres Asturianes d'esti añu 2017 ta dedicada a les MUYERES ESCRITORES qu'usen l'asturianu como mediu pel que tresmitir la so obra.
L'alumnáu de Llingua Asturiana del centru (matriculáu en 1, 2, 3 d'ESO y 1 y 2 de Bachilleratu) tuvieron trabayando nello pa facer visible nel institutu l'usu del asturianu como tresmisor de sentimientos y emociones.
Otres dos estayes de trabayu valieron d'escusa pa completar la esposición:
- Llámalo pol nome. Toponimia de Xixón.
L'alumnáu más mozo tuvo trabayando colos barrios de Xixón. El restu del alumnáu yá trabayare les parroquies en dellos cursos (pasáu y presente) asina que'l tema nun-yos yera ayenu.
-
Xixón, una ciudá abierta a la mar
L'alumnáu más veteranu (Bachilleratu) tuvieron faciendo esti trimestre un percorríu virtual per Xixón, aprovechando'l trabayu desendolcáu na Oficina de Normalización Llingüística de Xixón al rodiu'l tema la mar y la so rellación con Xixón.
El proyectu rematóse con una visita guiada polos propios alumnos usando l'asturianu como llingua vehicular en toles esplicaciones. Como documentación, sacaron semeyes que valieron p'amosar na esposición final.
